Кандидатот за градоначалник на Скопје од ВМРО-ДПМНЕ и коалицијата, Орце Ѓорѓиевски, вечерва истакна дека разликата од 60.000 гласа помеѓу него и противкандидатот Амар Мециновиќ од Левица на првиот круг од локалните избори е рекордна за Градот Скопје.
Ѓорѓиевски нагласи дека очекува во голема победа во вториот круг, кој ќе се одржи на 2 ноември.
Во дебатата на Канал 5, Ѓорѓиевски се претстави како политиколог од приватниот сектор и потенцира дека е горд член на ВМРО-ДПМНЕ. Неговиот противкандидат, Амар Мециновиќ од Левица, откри дека студирал Политички науки, но дека сѐ уште нема диплома.
Во текот од дебатата, Ѓорѓиевски го праша Мециновиќ дали ќе поднесе оставка во случај на пораз во вториот круг.
