САД наведуваат дека инцидентот се случил во саботата додека американскиот разурнувач „Чанг хун“ и канадската фрегата „Монтреал“ вршеле таканаречен транзит „слобода на навигација“ низ теснецот меѓу Тајван и континентална Кина
Американската морнарица објави видео за кое тврди дека покажува „опасен кинески маневар во Тајванскиот теснец“.
Според извештаите, бродот на кинеската морнарица нагло му го пресекол патот на американскиот разурнувач. Американската морнарица исто така тврди дека инцидентот се случил во текот на викендот и дека американскиот брод морал да ја намали брзината за да избегне судир.
САД наведуваат дека инцидентот се случил во саботата додека американскиот разурнувач „Чанг хун“ и канадската фрегата „Монтреал“ вршеле таканаречен транзит „слобода на навигација“ низ теснецот меѓу Тајван и континентална Кина, пишува АП.
A Chinese warship intercepted a U.S. destroyer in the Taiwan Strait on June 3. A look from the USS Chung-Hoon.#China #TaiwanStrait #IndoPacific #PLA #PRC #Beijing #USNavy #ChungHoon #USChina pic.twitter.com/lA3S6UllDM
— Spotlight on China (@spotlightoncn) June 5, 2023
Бидејќи Кина тврди дека демократски самоуправниот остров Тајван е дел од кинеската територија, таа исто така тврди дека теснецот е под кинеската ексклузивна економска зона, додека САД и нивните сојузници редовно пловат таму и го надлетуваат преминот.
Седмата флота на САД во саботата соопшти дека воените бродови „Чанг хун“ и „Монтреал“ вршеле рутински премин низ Тајванскиот теснец „во меѓународни води каде пловидбата и прелетувањето се дозволени во согласност со меѓународното право“, а Пентагон денеска соопшти дека кинескиот воен брод го пресекол текот на американскиот разурнувач на оддалеченост од околу 130 метри.
Видеото објавено од американската морнарица, исто така, покажува радио предупредување на англиски јазик упатено до кинескиот брод во кое се споменува „обид да се ограничи слободната пловидба“, иако точната формулација е нејасна поради звукот во заднина во кој доминира звукот на ветрот.
Кина директно не ги коментираше американските критики, а кинеското Министерство за надворешни работи сè уште не одговори на барањата за коментар за настанот.
Американско-канадската воена мисија во Тајванскиот теснец беше извршена во времето на големиот безбедносен самит во Сингапур, каде што американскиот секретар за одбрана Лојд Остин ја критикуваше Кина за одбивањето да води воени разговори со САД, што доведе до ќорсокак околу Тајван и територијалниот спорови во Јужното кинеско Море.
На безбедносниот самит во Сингапур, кинескиот министер за одбрана Ли Шангфу предупреди дека менталитетот на Студената војна „повторно оживеа“ во азиско-пацифичкиот регион, иако, како што рече, неговата земја води дијалог наместо конфронтација.
Тој индиректно ги критикуваше САД, обвинувајќи ги „некои земји“ за интензивирање на трката во вооружување и намерно мешање во внатрешните работи на други земји.
Извор: 360stepeni.mk
