Веста за посетата на Бајден на Киев ја потврди украинскиот претседател Володимир Зеленски кој на Фејсбук објави фотографија со американскиот претседател
Американскиот претседател Џо Бајден ненајавено пристигна во главниот град на Украина.
Joe Biden, the President of the United States 🇺🇸 is in Kyiv! pic.twitter.com/pIcHYk5A1B
— Maria Drutska 🇺🇦 (@maria_drutska) February 20, 2023
Белата куќа вчера објави дека Бајден денеска ќе пристигне во Полска, неколку дена пред првата годишнина од руската инвазија на Украина. На социјалните мрежи се рашири видео од Бајден како шета по улица во центарот на Киев во друштво на украинскиот претседател Володимир Зеленски.
На социјалните мрежи утрово се проширија гласини за можното доаѓање на Бајден. На улиците на главниот град има невидени безбедносни мерки, а дел од центарот на градот е затворен за секаков сообраќај.
Веста за посетата на Бајден на Киев ја потврди украинскиот претседател Володимир Зеленски кој на Фејсбук објави фотографија со американскиот претседател.
„Добредојдовте во Киев! Вашата посета е исклучително важен знак за поддршка за сите Украинци“,
напиша Зеленски на Фејсбук.
Извор: 360stepeni.mk
