На автомобилски собир на паркинг во близина на Загреб, 23-годишен возач со своето возило „Мерцедес“ поради несоодветна брзина околу 22 часот синоќа, налетал на пешаците кои биле собрани на паркинг а потоа се судрил и со друг автомобил. Според информациите, три лица се потешко повредени, а еден од нив се бори за живот.
Полицијата во Загреб започна кривична истрага за возачот, а од таму соопштија дека во сообраќајната несреќа најтешко се повредени трите лица кои возачот ги „собрал“ на паркингот. Со полесни повреди завршиле лицата кои се наоѓале во друг автомобил кој исто така бил удрен од мерцедесот. Според изјавите на очевидците, возачот на мерцедесот дивеел со автомобилот на паркингот низ текот на целата вечер, а полицијата допрва ќе утврди дали возачот бил под дејство на алкохол или други недозволени супстанци
Извор: 360stepeni.mk
