ИСТАНБУЛ (АА) – Агенцијата на Обединетите нации (ОН) за помош и работа на палестинските бегалци на Блискиот Исток (УНРВА) повика на прекин на огнот, наведувајќи дека во еден ден се убиени повеќе од 180 деца во израелските напади врз Газа, известува Анадолу.
На профилот на УНРВА на социјалните мрежи дадено е соопштение во врска со ситуацијата во Газа, каде што Израел на 18 март го прекрши договорот за прекин на огнот и повторно ги започна своите насилни геноцидни напади.
Во соопштението се вели: „Пријавено е дека само во еден ден се убиени повеќе од 180 деца во Газа. Доколку повторно не се воспостави прекин на огнот, ќе продолжат големите загубите на човечки животи.“
Приближно 18.000 деца, меѓу кои повеќе од 1.000 бебиња, се убиени во нападите на израелската армија врз Газа од 7 октомври 2023 година.
– Прекршувајќи го прекинот на огнот, израелската армија повторно започна со насилни напади врз Газа
Утрото на 18 март израелската армија продолжи со насилни напади по прекинот на огнот во Појасот Газа што стапи на сила на 19 јануари.
Откако израелската армија одново ги започна нападите, убиени се повеќе од 830 Палестинци, главно постари лица, жени и деца, а повеќе од 1.663 се повредени.
Бројот на Палестинците кои ги загубија животите во нападите на Израел врз Појасот Газа од 7 октомври 2023 година досега се зголеми на 50.183, а бројот на повредени изнесува над 113.828.
Извор: Anadolu Agency (AA)
