ИСТАНБУЛ (АА) – Агенцијата на Обединетите нации (ОН) за помош на палестинските бегалци на Блискиот исток (УНРВА) објави дека луѓето во Газа се гладни и очајно бараат храна, известува Анадолу.
Томас Вајт, директорот на УНРВА за Газа, на својот профил на социјалната мрежа Х сподели видео од стотина Палестинци собрани пред конвојот на хуманитарна помош на УНРВА.
Зборувајќи дека луѓето во Газа се гладни и очајно бараат храна, Вајт посочи дека 40% од Палестинците во регионот се соочуваат со опасноста од глад.
Вајт додаде дека во Газа се води борба за опстанок и истакна дека се потребни „повеќе ресурси за безбедна и одржлива хуманитарна помош во целиот регион, вклучувајќи го и северот на Газа“.
Извор: www.aa.com.tr
