КИЕВ (АА) – Украинските власти денес соопштија дека 14 луѓе загинале, а 46 се повредени во рускиот ракетен напад во градот Одеса, пренесува Анадолу.
Началникот на воената администрација на регионот Одеса, Олех Кипер, на Телеграм изјави дека меѓу загинатите и повредените има медицински работници.
Кипер истакна дека утре во Одеса е прогласен Ден на жалост за оние кои ги загубиле животите во нападот.
„Во моментов на местото на инцидентот продолжува операцијата за пребарување и спасување“, изјави Кипер.
Русија започна „специјална воена операција“ во Украина во февруари 2022 година.
Извор: Anadolu Agency (AA)
