Украина тврди дека ги потиснала руските офанзиви во Доњецк и Харков

ИСТАНБУЛ (АА) – Украина денес соопшти дека украинските сили ги потиснале руските офанзиви во правец на градовите Купјанск и Лиман во регионите Харков и Доњецк, пренесува Анадолу.

„Во правците Купјанск и Лиман, нашите одбранбени сили ја запреа офанзивата на непријателот“, истакна заменик-министерката за одбрана на Украина, Хана Малиар, преку Телеграм.

Во претходно соопштение доцна синоќа, Малиар нагласи дека украинските сили продолжиле да го потиснуваат руското напредување во насоките Лиман, Бахмут, Авдиивка и Маринка во областа Доњецк.

Малиар понатаму рече дека се водат жестоки судири во правец на Лиман, особено во подрачјата на Диброва, Серебријанск и Хрихоривка.

Во јужна Украина, Малиар соопшти дека украинските сили постепено напредуваат со делумен успех и дека продолжуваат со офанзивата околу Мелитопол и Бердианск во регионот Запорожје.

Таа нагласи дека има напредок во некои области, како и дека му се нанесени големи загуби на непријателот.

Руското Министерство за надворешни работи вчера преку соопштение истакна дека Украина продолжила со неуспешни обиди во насока на Јужен Доњецк, Запорожје, Доњецк и Лиман, додавајќи дека потиснале повеќе напади.

Независната потврда на тврдењата е тешка поради тековната војна.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..