КИЕВ (АА) – Вработени и волонтери на меѓународните хуманитарни организации продолжуваат со евакуацијата на украинските цивили во североисточниот украински град Купјанск, во областа Харков, јавува Анадолу.
Илјадници цивили се евакуирани овој месец додека руските сили ги интензивираат обидите да ги пробијат украинските линии.
Киев претходно предупреди дека Москва го зголемува бројот на војници во тоа подрачје, подготвувајќи се за повторни обиди за заземање на украинските територии.
Купјанск, важен железнички јазол, некогаш беше под контрола на Русија, но повторно е заземен во септември 2022 година за време на украинската контраофанзива.
