Необична приказна од Тулуз стана центар на медиумското внимание – двајца крадци украле паричник, со украдената картичка купиле лото тикет и освоиле 500.000 евра!
Жан Дејвид, сопственикот на картичката, на почетокот на февруари забележал дека му недостасува ранецот од автомобилот. Веднаш ја блокирал картичката, но потоа дознал дека веќе била искористена за купување на лото тикет од 50 евра.
Полицијата брзо ги идентификувала сторителите – двајца бездомници, кои се претставиле како сомнителни на касата во продавницата. Националната лотарија ја блокирала добивката, а Дејвид одлучил да ја искористи ситуацијата на несекојдневен начин.
„Ако не ме контактираат, тикетот е бескорисен. Подготвен сум да преговарам. Без мене тие немаше да го купат тикетот, а без нив немаше да можам да ја платам хипотеката“, изјави Дејвид.
Неговиот адвокат потврдува дека нема намера да ги гони крадците ако му се јават.
„Ова е можност за нив да почнат нов живот“, вели тој.
Според правилата, добитниците имаат 30 дена да ја подигнат наградата, а Дејвид се надева дека наскоро ќе се договорат.
ИЗВОР: racin.mk
