реклама
Во гимназијата Кирил Пејчиновиќ во Тетово утрово во знак на протест не се одржа првите два часа од наставата. Професорите протестираа бидејќи не ја примиле платата за ноември. Претседателот на Училишниот совет, Јетон Камбери рече дека и следните денови ќе штрајкуваат доколку не ги примат платите.
-Итно бараме одговори во најкус можен рок. Доколку Министерството не ни даде одговор, ќе продолжиме со штрајкот до крајот на неделата, дури сме во консултации со колегите за одржување на класните совети, па затоа по секоја цена инсистираме Министерството да ја исполни својата обврска до крајот на неделата-вели Камбери.
Контактиравме со министерот за образование Јетон Шаќири. Тој вели дека платите се пуштени од петокот, а додаде дека се доделени дополнителни средства за оваа гимназија.
-Платите поминаа. Што се однесува до платата за „Кирил Пејчиновиќ“, на крајот се реши и оваа работа. Од второто полугодие нема да го има овој проблем со струја и плата, месецов имаше доцнење поради тоа што се зема и 13-та плата и има потреба од дополнителни средства. Документацијата за платата што беше комплетирана во петокот е во постапка, се е испратено до трезор-изјави Јетон Шаќири.
Покрај платите, оваа гимназија, на која и беа одземени надлежностите, претходно имаше и проблеми со струјата и плаќањето на сметките.
реклама
