Цветан Трипуновски, министерот за земјоделство вечерва во емисијата Бизнис 21 на ТВ21 демантираше дека на земјоделците им се должат 100 милиони евра.
„Не знам од каде калкулациите дека се должат 100 милиони евра“, изјави Трипуновски и додаде:
„Не треба да се грижат земјоделците за субвенциите. Во минатото имаше една сериозна дупка на исплата на субвенции. Првата година од 2024-та, со пренамената и ребалансот, се обезбедија 40 милиони евра за исплата на стари долгови. 2025-та продолживме да исплаќаме долгови. Зошто не биле исплатени тогаш, не знам. Тетковната 2026-та година со носење на програмата, досега се исплатени 30 милиони евра субвенции. Точно е дека има за дел од 2024 година, но за предмети кои биле дополнително ревидирани. Согласно правилата и исплата на субвенции, во тековната 2026-та година до шести месец ќе исплатиме најголем дел од субвенциите од 2025-та“, изјави Трипуновски.
Извор: zurnal.mk
