Осуденик хоспитализиран во Психијатриската болница во Бардовци, со стаклено шише усмрти пациент – исто така осуденик.
Доцна во ноќта дошло до тепачка помеѓу двајцата пациенти на Одделот за лекување на осудени лица, а по ударите со стакленото шише 62 годишниот пациент во бесознание бил пренесен во Ургентниот центар на Комплексот клиники „Мајка Тереза„ каде што наскоро починал, информираат од МВР.
МВР
– Во СВР Скопје било пријавено дека околу 00.50 часот во Јавната здравствена установа „Психијатриска болница Скопје “ во Бардовци, во соба на судскиот оддел, настанала физичка пресметка помеѓу осудениците Д.С.(35) од Неготино и И.Т.(62) од с.Љубанци, Скопско. Д.С. е задржан во собата каде се случил настанот. Имено, Д.С. е осудено лице за сторено кривично дело „убиство“, додека И.Т. бил осуден за кривично дело „семејно насилство“.
Како пациентот осуден за убиство дошол до стаклено шише и дали ќе се формира посебна Комисија за случајот, засега нема одговор – од Психијатриската болница велат дека во интерес на истрагата, не споделуваат подетални информации.
ЈЗУ „Психијатриска болница Скопје “
– Околу 03:00 на местото на настанот пристигнаа екипи од Единицата за насилен криминал, дежурен Јавен обвинител и Единицата за брзо распоредување, кои направија увид на местото на настанот и преземаа соодветни дејствија. Пациентот Д.С. е на Одделот за лекување на осудени лица при болницата, под надзор на полициски службеници по усмена наредба на дежурниот Јавен обвинител.
По наредба на јавен обвинител телото на починатиот осуденик е дадено на обдукција. Од МВР соопштуват дека по расчистување на случајот ќе биде поднесена пријава.
Извор: 24vesti.mk
