Сепак, сопственикот Илон Маск очекува да се зголеми вредноста на акциите десеткратно за што вели, има јасен, но тежок пат
Откако Илон Маск го купи Твитер односно во последните шест месеци, компанијата загуби повеќе од половина од својата вредност.
Маск, во допис до вработените, наведува дека Твитер сега се проценува на помалку од 20 милијарди долари, што е значително помалку од 44 милијарди колку што тој плати за купување на компанијата во октомври лани, пишува „Гардијан“.
Маск во дописот исто така истакна како компанијата била само четири месеци од тоа да остане без пари, пред да им подели серија отпуштања на високо позиционирани вработени. Според бројките што ги претстави Маск во декември, бројот на вработени е намален од околу 7 500 на околу 2 000 вработени.
Сепак, тој очекува да се зголеми вредноста на акциите десеткратно.
„Гледам јасен, но тежок пат до проценување (на вредноста) на повеќе од 250 милијарди долари“,
наведува Маск.
Големата девалвација на вредноста на компанијата следеше по турбулентното преземање на Маск. Неколку големи огласувачи ја напуштија платформата, а главниот извор на средства за купување на компанијата од страна на Маск, инвестициската компанија „Фиделити“ ја намали вредноста на својот удел за 56 отсто.
Photo: EPA-EFE/BRITTA PEDERSEN / POOL
Извор: 360stepeni.mk
