АНКАРА (АА) – Министерството за надворешни работи на Туркије најостро го осуди вчерашниот напад на каналот за вода во Зубин Поток на северот на Косово, кој е од критично значење за снабдувањето со вода и електрична енергија на Косово, известува Анадолу.
Турското МНР објави писмено соопштение за нападот на водоводната и електричната инфраструктура на северот на Косово.
Во соопштението најостро се осуди вчерашниот напад на каналот за вода во Зубин Поток, кој е критичен за водоснабдувањето и снабдувањето со електрична енергија во државата.
Турското МНР во соопштението наведе дека оние кои го извршиле нападот ќе бидат идентификувани што е можно поскоро и ќе бидат изведени пред лицето на правдата, истакнувајќи:
„Со ова велиме дека стоиме на страната на Косово и сме подготвени да пружиме секаков вид поддршка доколку е потребно. Ги повикуваме сите страни да дејствуваат воздржано за да се избегне ескалација во регионот“.
– Што се случи
Поради експлозијата што се случи во вечерните часови на северот на Косово, оштетен е водотекот Ибар – Лепенци, кој носи вода за ладење до електраните на јаглен кои произведуваат најголем дел од електричната енергија во земјата.
Водотекот Ибар – Лепенци носи вода за ладење од езерото Газивода на север до многу важни инфраструктурни објекти, особено до електраните на јаглен Косово А и Косово Б, кои произведуваат најголем дел од електричната енергија за потребите на земјата. Преку овој канал се транспортира и главната вода за пиење на дел од главниот град Приштина и повеќе други градови.
Извор: Anadolu Agency (AA)
