Турските сили неутрализираа 15 терористи на ПКК/ЈПГ во северна Сирија

ИСТАНБУЛ (АА) – Турските безбедносни сили неутрализираа 15 терористи на ПКК/ЈПГ во северна Сирија, во близина на турската граница, соопшти денес турското Министерство за национална одбрана, пренесува Анадолу.

Терористите беа таргетирани во подрачјата на операциите „Штитот на Еуфрат“ и „Извор на мирот“ во северна Сирија, соопшти Министерството на Х.

„Нашите операции ќе продолжат сѐ додека не биде неутрализиран и последниот терорист“, нагласи Министерството.

Во својата 40-годишна терористичка кампања против Туркије, ПКК, која е ставена на листата на терористички организации од страна на Туркије, САД и ЕУ, е одговорна за смртта на над 40.000 луѓе, меѓу кои и деца, жени и постари лица. ЈПГ е сириски огранок на ПКК.

Од 2016 година, Анкара започна три успешни антитерористички операции преку своите граници во северна Сирија со цел да спречи формирање на терористички коридор и да овозможи мирно враќање на жителите: „Штитот на Еуфрат“ (2016), „Маслинова гранка“ (2018) и „Извор на мирот“ (2019).

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.