Турските безбедносни сили неутрализираа 30 терористи на ПКК во северен Ирак

АНКАРА (АА) – Во синоќешните воздушни операции врз 34 терористички цели во северниот дел на Ирак, неутрализирани се 30 терористи на ПКК, соопшти денес Министерството за одбрана на Туркије, известува Анадолу.

„Според првичните информации, синоќа во воздушни операции извршени врз 34 терористички цели во Хакурк, Гара, Кандил и Синџар, на северот на Ирак, се неутрализирани 30 терористи на ПКК. Ќе продолжиме да уништуваме терористички гнезда“, се вели во соопштението.

ПКК е сепаратистичко-терористичка организација која се наоѓа на листата на терористички групи во Туркије, Европската Унија и Соединетите Американски Држави. За време на повеќедецениската терористичка кампања против Туркије, терористите на ПКК убија најмалку 40.000 луѓе.

Опсежните антитерористички операции на турските сили започнаа по терористичкиот напад на ПКК врз седиштето на Турската воздухопловна и вселенска индустрија (ТУСАШ) во средата во Анкара, во кој загинаа пет лица, а повеќе од 20 беа повредени.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.