Турскиот претседател во Киргистан за самитот на Организацијата на туркиски држави

ИСТАНБУЛ (АА) – Турскиот претседател Реџеп Таип Ердоган денес отпатува за Киргистан за да присуствува на самитот на Организацијата на туркиските држави (ОТС), јавува Анадолу.

Реџеп Таип Ердоган ќе присуствува на 11. самит на шефови на држави на ОТС што ќе се одржи во среда во главниот град на Киргистан, Бишкек.

Генералниот секретар на ОТС, Кубаничбек Омуралиев, за Анадолу изјави дека на самитот земјите членки ќе се фокусираат на четири клучни области: економска интеграција, одржлив развој, дигитална трансформација и безбедност.

ОТС, со Туркије, Азербејџан, Казахстан, Киргистан и Узбекистан како полноправни членки, како и Унгарија и Туркменистан како набљудувачи, се фокусира на унапредувањето на соработката во области, како што се трговијата, политиката, културата и безбедноста.

Од своето основање ОТС одигра клучна улога во промовирањето на регионалната соработка и заедничкото културно наследство.

Организацијата направи значителен напредок во зајакнувањето на трговијата меѓу земјите членки, поддршката на инфраструктурните проекти и унапредувањето на културните иницијативи за зачувување на турскиот идентитет.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.