Турскиот претседател повика на туркиско единство за праведно решавање на палестинското прашање

ИСТАНБУЛ (АА) – Турскиот претседател Реџеп Таип Ердоган денес повика на единство меѓу туркиските народи во насока на поддржување праведно решавање на палестинското прашање, јавува Анадолу.

„Како туркиски свет, исклучително е важно да продолжиме со нашите напори за трајно и праведно решение за палестинското прашање“, рече Ердоган во своето обраќање на Шестиот состанок на Советот за стратегиска соработка меѓу Туркије и Киргистан во Бишкек.

Турскиот претседател, исто така, ја истакна посветеноста на Туркије на борбата против тероризмот во партнерство со Киргистан, особено против терористичката организација ФЕТО, која стои зад неуспешниот обид за пуч во Туркије во 2016 година.

„Нашата борба против сите форми на тероризам, особено против ФЕТО, ќе продолжи непречено“, нагласи тој.

Турскиот претседател претходно беше пречекан од неговиот киргистански колега Садир Жапаров со официјална церемонија.

Ердоган пристигна во Киргистан вчера за да присуствува на 11. Самит на Советот на шефови на држави на Организацијата на туркиски држави.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.