ИСТАНБУЛ/ЛЕФКОСА (АА) — Турскиот претседател Реџеп Таип Ердоган денес пристигна во Турската Република Северен Кипар (ТРСК) за да присуствува на настаните по повод 50-годишнината од Кипарската мировна операција, познат како Ден на мирот и слободата, јавува Анадолу.
Ердоган беше пречекан од претседателот на кипарските Турци Ерсин Татар на аеродромот Ерџан во главниот град Лефкоса. По церемонијата за добредојде, Ердоган положи венец на споменикот на Ататурк во градот и се потпиша во специјалната книга кај споменикот.
„Ја доживуваме вистинската гордост од достигнувањето на 50-годишнината од мировната операција на 20 јули, која нашите херојски вооружени сили ја изведоа рамо до рамо со народот на кипарските Турци.
„Турската нација преку оваа операција уште еднаш му ја покажа на светот својата непоколеблива посветеност на својата независност и иднина. Народот на кипарските Турци ја продолжува својата борба за независност, крунисана со победа, со цврста поддршка на Татковината Турција и гледа кон иднината со надеж и доверба“, напиша Ердоган во книгата.
Тој, исто така, им оддаде почит на турските војници кои „ги оставија овие простори како нивна татковина“ и им се заблагодари на ветераните кои се бореа во операцијата.
Ердоган беше придружуван од претседателот на турскиот Парламент Нуман Куртулмуш.
Извор: Anadolu Agency (AA)
