Турскиот министер за надворешни работи ќе присуствува на инаугурацијата на новоизбраниот ирански претседател

АНКАРА (АА) – Турскиот министер за надворешни работи Хакан Фидан утре ќе го посети Техеран за да учествува на церемонијата на инаугурација на новоизбраниот ирански претседател Масуд Пезешкијан, јавува Анадолу.

„Нашиот министер ќе го посети Техеран на 30 јули 2024 година за да присуствува на церемонијата на инаугурација на новоизбраниот ирански претседател Масуд Пезешкијан“, истакна денес турското Министерство за надворешни работи.

Во вториот круг од претседателските избори одржани во Иран на 5 јули реформистичкиот пратеник од Табриз и поранешен министер за здравство Пезешкијан освои 53,7 отсто од гласовите, со што стана деветти претседател на земјата.

Утре (вторник) ќе се одржи свечената заклетва на Пезешкијан, на која ќе присуствуваат претставници, шефови на држави и министри од различни земји.

По ова Пезешкијан ќе му го претстави својот Кабинет на Собранието за изгласување доверба.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.