ИСТАНБУЛ (АА) – Најголемиот турски фестивал за технологија и воздухопловство, ТЕКНОФЕСТ, има улога и на дипломатски самит на кој се пречекуваат високи странски претставници, јавува Анадолу.
Азербејџанскиот претседател Илхам Алиев и претседателот на Владата на Либија со седиште во Триполи, Абдулхамид Дбеибе, одржаа говори вчера.
Настанот го посетија и либискиот министер за индустрија и минерални ресурси, Ахмед Али Омар, нигериската министерка за наука и технологија, Аделеке Олорунимбе Мамора, министерот за одбрана на Буркина Фасо, Касум Кулибали, министерот за национално образование на Турската Република Северен Кипар, Назим Чавушоглу, и парламентарниот секретар за млади на Малта, Кет Азопарди Танти.
Странските претставници, исто така, се состанаа со своите турски колеги за време на настанот.
На петдневниот ТЕХНОФЕСТ, кој започна во четвртокот на аеродромот „Ататурк“ во Истанбул, претставени се најсовремена технологија и производи од одбраната.
На настанот, исто така, се склучуваат и меѓународни и домашни договори од многу области, а особено од областа на одбраната.
Извор: www.aa.com.tr
