Туркије: Под урнатините спасена 60-годишна жена, 166 часа по земјотресот

МАНИСА (АА) – Еренѓул Ондер (60) е извлечена од под урнатините во Адијаман, 166 часа по земјотресот што пред седум дена ги погоди јужните делови на Туркије и Сирија, јавува Анадолу.

Градоначалникот на Маниса, Џенгиз Ерѓун, на социјалните мрежи напиша дека противпожарните екипи од тој град спасиле 60-годишна жена на подрачјето на Бесни во Адијаман.

„Добивме радосни вести од Бесни. Со исклучителен труд на нашите противпожарни бригади ја спасивме нашата Еренѓул Ондер. Им честитам на сите екипи кои работат со нашиот противпожарен персонал“, напиша Ерѓун.

Два разорни земјотреси со јачина од 7,7 и 7,6 степени според Рихтер ги погодија јужните делови на Туркије со епицентар во Кахраманмараш на 6 февруари, а бројни спасувачки екипи сè уште ревносно работат на пребарување и спасување на луѓето затрупани во урнатините на зградите.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS).