АНКАРА (АА) – Судовите во Туркије одредија притвор за вкупно 160 лица за кои е утврдена одговорност во врска со урнатите згради во регионите погодени од земјотресите на југот на земјата, јавува Анадолу.
Според информациите на дописникот на Анадолу, во истрагите што ги започна Државното обвинителство во врска со објектите урнати во земјотресите или кај кои е воочена промена во зонирањето, приведени се над 500 лица.
Од приведените, на 160 им е одредена мерка притвор, 175 се пуштени на слобода со изречени мерки за забрана, додека по 132 сѐ уште се трага. Еден дел од осомничените се ослободени.
Извор: www.aa.com.tr
