ИСТАНБУЛ (АА) – Туркије денес го поздрави усвојувањето на планот за обнова на Појасот Газа на самитот на Арапската лига, соопшти денес турското Министерство за надворешни работи, јавува Анадолу.
„Ќе продолжиме да ги поддржуваме иницијативите што имаат цел постигнување траен прекин на огнот, започнување на обновата на Газа и кои ќе обезбедат Палестинците да живеат во мир на сопствена земја“, се вели во соопштението на Министерството.
Вонредниот арапски самит во Каиро вчера го усвои египетскиот план вреден 53 милијарди долари за обнова на Појасот Газа без раселување на Палестинците од нивната земја.
Арапскиот предлог дојде по планот на американскиот претседател Доналд Трамп да ја „преземе“ Газа и да ги исели Палестинците за да ја развие во „ривиера на Блискиот Исток“.
Неговиот план беше отфрлен од арапскиот свет и многу други земји што рекоа дека тоа соодветствува на етничко чистење.
Извор: Anadolu Agency (AA)
