Туркије го поздрави признавањето на Палестина како држава од страна на Ерменија

ИСТАНБУЛ (АА) – Туркије денес ја поздрави одлуката на Ерменија да ја признае државата Палестина, се вели во соопштението на Министерството за надворешни работи на земјата, јавува Анадолу.

„Ја поздравуваме одлуката на Ерменија да ја признае државата Палестина, по земјите како Шпанија, Ирска, Норвешка и Словенија“, се вели во соопштението.

„Признавањето на палестинската држава е задолжително за меѓународното право, правдата и совеста“, се додава.

Во соопштението се заклучува дека Анкара ќе продолжи со напорите за признавање на Палестина од повеќе земји.

Ерменија денес објави дека ја признава Палестина како држава.

„Потврдувајќи ја својата посветеност на меѓународното право и принципите на еднаквост, суверенитет и мирен соживот на народите, Република Ерменија ја признава државата Палестина“, беше истакнато од ерменското Министерство за надворешни работи.

Министерството, исто така, соопшти дека Ерменија претходно ги поддржала резолуциите на Генералното собрание на Обединетите нации кои повикуваат на итен прекин на огнот во Појасот Газа, каде Израел уби повеќе од 37.000 Палестинци од октомври минатата година.

Министерството, исто така, ги осуди израелските напади врз цивилната инфраструктура и насилството врз цивилното население.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.