АНКАРА (АА) – Во Туркије денес се одбележува националниот празник Ден на националниот суверенитет и Ден на детето, како и 104-годишнината од основањето на турскиот Парламент, односно Големото народно собрание на Република Туркије (ТБММ), јавува Анадолу.
Еден од најважните национални празници во Туркије традиционално се одбележува со голем број манифестации на кои учествуваат децата од земјата и странство.
Претседателот на Големото народно собрание на Република Туркије, Нуман Куртулмуш, ја предводеше државната делегација на церемонијата на положување цвеќиња во комплексот Аниткабир, мавзолејот на основачот на модерна Туркије, Мустафа Кемал Ататурк.
На церемонијата присуствуваа и пратеници од турскиот Парламент, министри и претставници на политички партии, како и други претставници. Исто така, можеше да се забележи големиот број деца од различни делови на Туркије.
Државниот празник Ден на националниот суверенитет и Ден на детето се одбележува на 23 април, ден кога во 1920 година беше отворено Големото народно собрание на Република Туркије.
На денешен ден во 1924 година е одлучено денот на формирањето на Големото народно собрание да се одбележува како државен празник. Пет години подоцна, на 23 април 1929 година, тој празник им е подарен на децата.
Од 1929 година се одбележува како Ден на националниот суверенитет и во исто време како Ден на детето.
Извор: Anadolu Agency (AA)
