САКАРИЈА (АА) – Десет лица загинаа, а 59 се повредени во тешка сообраќајна несреќа во која учествуваа седум возила на делницата Сакарија на автопатот Северна Мармара во Туркије, јавува Анадолу.
Седум возила, меѓу кои три автобуси и еден камион, учествуваа во верижен судир на делот Сакарија на автопатот Северна Мармара во правец кон Истанбул.
На местото на несреќата пристигнати се бројни медицински екипи, противпожарни бригади и припадници на Агенцијата за управување со катастрофи и вонредни ситуации (АФАД).
Поради несреќата во прекин е сообраќајот во правец на Истанбул. Екипите почнаа да ги отстрануваат возилата од автопатот на подрачјето каде што маглата е густа. Сообраќајот е пренасочен кон Анадолскиот автопат, а сообраќајот се одвива нормално на автопатот Северна Мармара во правец кон Анкара.
Турскиот министер за здравство Фахретин Коџа на социјалните мрежи потврди дека десет лица загинале на местото на несреќата, а 59 се повредени, од кои осум потешко.
Министерот за правда Јилмаз Тунч изјави дека е отворена истрага за тешката сообраќајна несреќа.
Гувернерот на Сакарија, Јашар Карадениз, го посети местото на несреќата и за новинарите изјави дека во верижниот судир учествувале седум возила.
„Се смета дека до несреќата дошло кога автомобил удрил во камион. Потоа во него удриле другите возила“, изјави Карадениз.
Извор: www.aa.com.tr
