ИСТАНБУЛ (АА) – Туристичките приходи на Туркије во 2024 година се зголемија за 8,3 отсто во споредба со претходната година, достигнувајќи рекордни 61,1 милијарда долари, соопшти Турскиот статистички институт денес, јавува Анадолу.
Во 2024 година Туркије ја посетија 62,2 милиони туристи, што претставува зголемување од 9 отсто во однос на 2023 година.
Просечните трошоци по турист во 2024 година изнесуваа 972 долари, а просечните дневни трошоци беа 97 долари.
Најголем дел од туристите (64,9 отсто) ја посетија Туркије поради „патувања, забава, спортски и културни активности“.
Бројот на турски граѓани што патувале во странство, исто така, се зголеми за 2,9 отсто на годишно ниво, достигнувајќи 11,4 милиони.
„Нашите туристички приходи ја надминаа целта поставена во Среднорочната програма од 61,1 милијарда долари за 2024 година и достигнаа највисоко ниво во нашата историја“, изјави турскиот потпретседател Џевдет Јилмаз на социјалната мрежа X.
Јилмаз нагласи дека бројот на туристи што ја посетиле Туркије минатата година ги надминал очекувањата.
„Туризмот ја оживеа економијата, придонесе за балансиран економски раст, обезбеди работни места за многу луѓе, особено за младите, а одигра и значајна улога во намалувањето на тековниот дефицит преку приливот на девизи“, рече тој.
Тој додаде: „Очекуваме сите овие позитивни ефекти да продолжат и во 2025 година, кога цел е туристичките приходи да достигнат 63,6 милијарди долари.“
Извор: Anadolu Agency (AA)
