И покрај засилените полициски контроли црн сообраќаен биланс на македонските патишта.11 сообраќајки со 11 повредени во охридскиот регион за месец февруари. И март стартуваше со црна статистика.
На осми загина млад моторциклист, пред два дена на магистралниот пат Кичево Охрид беше уапсен возач кој со 1,53 промили алкохол во крвта го управувал возилото. Истиот ден во охридското село Велгошти во сообраќајка со тешки телесни повреди се здобиле двајца малолетници кои управувале мопед. Полицискиот билтен информира и за излетани возила од коловозот и сообраќајки со фатален исход за само една недела. Причината секогаш е неприлагодена брзина, користење телефон при возење и конзумирање алкохол.
Димоски вели дека следниот период контролите во регионот ќе бидат поинтензивни и во градските средини и надвор од нив. Граѓаните да се придржуваат до сообраќајните правила.
Како црни точки во регионот каде се случуваат најголем дел од несреќите се патните правци Охрид Кичево и Охрид-Св.Наум. Статистиката за минатата година евидентирача 280 сообраќајки со пет жртви во охридско-струшкиот регион. За разлика од 2023 година бројката на сообраќајни незгоди се намалила за 20, но бројот на жртвите се зголемил.
Извор: 24vesti.mk
