Трамп рече дека очекува да се сретне со Путин „најверојатно“ во Саудиска Арабија

ВАШИНГТОН (АА) – Американскиот претседател Доналд Трамп денес изјави дека очекува да се сретне со рускиот претседател Владимир Путин „најверојатно“ во Саудиска Арабија на првиот од, како што рече, серијата состаноци фокусирани на ставањето крај на војната на Кремљ во Украина, јавува Анадолу.

Трамп ја нарече војната „катастрофа“ што е „навистина крвава, ужасна“, велејќи дека верува оти со негова помош „ќе направиме нешто“ за да ставиме крај на речиси тригодишниот конфликт.

„Ќе работам со претседателот Путин, главно, по телефон и на крајот очекуваме да се сретнеме. Всушност, очекуваме тој да дојде овде и јас да одам таму, а ќе се сретнеме, исто така, најверојатно во Саудиска Арабија“, им рече тој на новинарите во Овалната соба. „Првпат ќе се сретнеме во Саудиска Арабија, ќе видиме дали нешто ќе завршиме. Но сакаме да ставиме крај на таа војна.“

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.