На телевизија Сител во „Тема на денот“ вечерва гостуваше Ивица Томовски, член на ЦК на ВМРО-ДПМНЕ. На самиот почеток Томовски се осврна на темата за службените возила кои треба да поседуваат специјални регистарски таблички со цел зголемување на транспарентноста и контролата во користењето на службените возила за граѓаните да можат лесно да ги разликуваат, и истите доколку постои злоупотреба да ги пријават.
Томовски објасни дека дел од службените возила се надвор од употреба и истите ќе бидат продадени после изборите и посочи дека во тие 7500 возила спаѓаат и возилата на МВР, МНР, АНБ, амбулантните возила, и сите останати во државна сопственост, потенцирајќи дека за да се функционира непречено не би било потребно да има повеќе од 2000 возила.
-Ова беше едно од оние ветувања со претседателот Христијан Мицкоски којшто го ветивме пред година дена, односно пред кампањата, и денеска имаме веќе реализација на тоа ветување. Морам да напоменам дека од оние возила коишто ги спомнуваме во јавност, околку 7500 возила, голем дел од нив се вон употреба, од вкупно 220 возила со коишто располагаме 104 ќе бидат расходовани и продадени веднаш после изборите. Сите оние 7500 коишто ги спомнуваме тука припаѓаат и возилата од Министерството за внатрешни работи, Министерството за надворешни работи, Агенцијата за национална безбедност, амбулантните возила, противпожарните возила, се она што значи државна сопственост. Она коешто можеби би било потребно на државата, не би требало да брои повеќе од 2000 возила, за да можеме непречено понатака да функционираме, рече Томовски.
Томовски исто така истакна дека формирана е работна група која ќе пристапи кон разгледување за промена на регулативата во случај на казнување при злоупотреба и објани дека при завршување на процесот за регистарот на возилата ќе бидат поставени ГПС во возилата со цел максимално намалување на злоупотребите.
-Отпочнавме формирање на работна група меѓу Министерството за внатрешни работи и СОЗР и ќе се пристапи кон промена и измена на регулативата да видиме во рамките на законите коишто се пропишани во државата, дали има шанса нешто да се направи околу казнувањето во случај на злоупотреба. Очекувам дека тоа ќе се заврши заклучно крајот на годината, бидејќи до тогаш МВР презема одговорност да го искреира оној регистар на возила кадешто тука ќе бидат и сите возила на државата па заедно со изработката на тој регистар да можеме ние да предвидеме промена на таа регулатива па да следат и казни за можните злоупотреби. Чекаме да се заврши регистарот на возила и веднаш штом го завршиме тој процес во соработка со МВР ќе направиме една таква владина одлука, сите возила да бидат обележани со ГПС- да може максимално да ги откоренеме злоупотребите на возилата, истакна Томовски.
Извор: kurir.mk
