Тетовчани ќе плаќаат пониска цена за сметките за вода и отпад, информира денеска градоначалникот на општината Биљал Касами по поплаките на граѓаните дека плаќаат високи сметки. Касами ги повика домаќинствата редовно да плаќаат и најави дека ќе се повлечат и повторно ќе се обработат сметките за февруари.
„Цените на општинските услуги за сите села од шарпланинските села ќе бидат 340 денари и тука се подразбира само услугата за управување со отпад, без јавна чистота, вода и канализација. Во другите села како Голема Речица, Мала Речица, Порој, Џепчиште, Фалиште и Сарачино, цената ќе биде 540 денари. Сите оние граѓани кои имаат повеќе од еден регистриран станбен објект ќе плаќаат повеќе од половина од површината, како и такса од 100 денари за пристап до системот за водоснабдување за пиење и 100 денари за јавна чистота. Оваа методологија ќе се применува и за иселениците кои имаат живеалиште во странство, онаму каде што се на привремена работа“, рече Касами.
Извор: alsat.mk
