Новинарот Горан Теменугов во Отворено рече дека неколку маркети во Македонија ги диктираат цените на сите маркети во државава. Според него потребно е државата да покаже капацитет и да ги казнува сите трговци кои не го почитуваат законот за нефер трговски практики.
„Направив една шема која според мои сознанија е точна. Еден производ од дистрибутерот го купува за 30 денари Тој воведува маржа од 6 денари и профит од 2 денари. И имаме производ од 38 денари. Е сега дел од маркетите им викаат на дистрибутерите доколку сакаат да бидт дел од нивните рафтови, реклами и слично да додадат уште 12 денари. Така производот доаѓа до цена од 50 денари. И на овие 50 денари маркетите билдаат своја маржа од 10 денари и профит од 5 денари и производот станува 65 денари. Овие 12 денари не треба да постојат и тука имаме кршење на закон “, рече Теменугов и додаде дека на ваков начин се условува покачување на цените.
Тој потенцираше и дека е против бојкотот на маркетите бидејќи смета дека државата треба да си ја заврши својата работа и да казнува.
„Државата со законот за нефер трговски практики треба да ги сузбие сите неправилности и да почне да казнува. Законот постои скоро една година. Државата треба да реагира, да покаже капацитет и да казнува“, изјави Теменугов.
Тој објасни и дека Македонија иако има капацитети за свои производства сепак е зависна држава од увоз.
„Македонија не може да се прехрани самата, иако има субвенци за земјдоелство ние увезуваме, за ниту еден производ не можеме да кажеме дека сме го наравиле сами. Ние имаме скапо земјоделство и не можеме да се прехраниме, немаме производство“, рече Теменугов.
Извор: 24vesti.mk
