Кандидатот на албанската опозиција, Арбен Таравари, од митингот во Желино, рече дека доцна му текнало на неговиот противник Османи, да излегува од иницијативата Отворен Балкан, како проект на Вучиќ и Лавров. Намесот тоа, Таравари рече дека уште повеќе ќе ги продлабочи врските со Косово и Албанија.
„Ќе му кажам на Пишман аџијата дека сега е доцна. Останавте сами во кревет со Вучиќ. Со Вучиќ кој организира терористички напади на Косово и кој е тажен поради поразот на ДУИ. Ќе ги продлабочиме врските со Тирана и Приштина, бидејќи тие се наши браќа од една крв. Нема да постапиме како мој противкандидат кој ја оствари првата посета како министер за надворешни работи во Белград, а никогаш немал билатерална посета на Република Косово“, рече Арбен Таравари, Кандидат за претседател на ВРЕДИ.
Извор: alsat.mk