43-годишниот принц од Велс имаше голем број активности за време на неговата посета на Бразил оваа недела, вклучувајќи прошетка околу островот Пакета и посета на статуата на Христос Спасителот.
Но, помеѓу посетата на бебиња и играњето одбојка, Вилијам немаше проблем со користењето на јавен тоалет на познатата плажа Копакабана.
Видео објавено на социјалните мрежи го прикажува идниот крал на Велика Британија како го посетува тоалетот, во придружба на неговиот телохранител.
Prince William got papped going into a public toilet 🤭 Honestly, it’s pretty rare to see celebs using public toilets and even rarer to see a royal! #Brasil #Rio pic.twitter.com/esapIyjtAa
— 𓆩Mrs.W𓆪 (@Katrnish) November 5, 2025
По излегувањето од машкиот тоалет, тој им мавташе на возбудените набљудувачи и застана да се ракува со едно момче пред да го праша за кој фудбалски тим навива.
Кралските обожаватели беа импресионирани од тоа колку е „скромен“ принцот. Многумина го споредија Вилијам со неговата мајка, принцезата Дајана, која исто така го посети Рио де Жанеиро во 1991 година со сегашниот крал Чарлс III.
„Само затоа што е роден со златна лажица во устата не значи дека мора да биде разгален. Изгледа исто како неговата скромна мајка“, рече еден корисник на TikTok.
Друг додаде:
„Тој човек е скромен и приземен! Воопшто не е претенциозен!“
Извор: vecer.mk
