Судир меѓу возови се случил во тунел во близина на Белград. Како што пренесуваат српските медиуми се судриле патнички и товарен воз.
Според првичните информации на тамошните медиуми има повеќе повредени а повреден е и еден од кондуктерите на возовите.
Од Итната помош како што пренесува Танјуг потврдиле дека дошло до судир и дека на терен се испратени сите расположливи екипи, но се уште нема прецизни информации за бројот на повредени и нивната состојба.
Српскиот министер за внатрешни работи Ивица Дачиќ пристигна на местото на несреќата.
Според првите извештаи, во патничкиот воз кој денеска се судри со товарен воз во подземниот тунел во Белград имало шест патници, како и машиновозачот и кондуктерот.
Извор: 24vesti.mk
