Студентите од приватните факултети бараат бесплатен градски превоз во Скопје

February 15, 2023
1 min read

Студентите од приватните факултети, бараат да користат бесплатен градски превоз во Скопје, информираа денеска претставниците на студентските собранија на два приватни факултети. Претседателот на универзитетско студентско собрание, на Американ Колеџ Скопје, Филип Трајковски и претседателката на Универзитетското студентско собрание на Американскиот универзитет на Европа ФОН, Мила Петрушевска кажаа дека и на студентите од приватните факултети треба да им следуваат истите бенефиции и права како и на студентите од државните факултети. За нив нејасно е како им следуваат студентски оброк и останати права согласно Законот за високо образование, а се изземени од бесплатен градски превоз во Скопје.

-Според Законот за високото образование и студентскиот стандард истите права што ги имаат студентите од државните факултети ни следуваат и на нам, но кога е во прашање јавниот градски превоз, ние сме изземени. Уставниот суд во 2017 година донесе одлука со кое се изјасни дека нема уставност на одлуката во која се изземени студентите на приватните факултети, но за жал со таа одлука не можевме да направиме ништо бидејќи само испратија писма до Град Скопје и препораки да бидеме приклучени наредната година, што не се оствари, изјави Трајковски.

Заедно со претставниците на приватните факултети, студентите испратиле претставка и до Комисијата за спречување на дискриминација, а барање упатиле и до народниот правобранител.

-Моментално немаме обезбедено бесплатен градски превоз како што имаат студентите на државните универзитети. На сите граѓани и нам ни стојат на располагање различни правни лекови. Ги искористив во оваа состојба и поднесов претставка до Комисијата за спречување и заштита од дискриминација. Две претстави, бидејќи два субјекти прават иста дискриминацијата, Министерството за образование и наука и Град Скопје, бидејќи МОН не доделува средства одвојува само за студентите од државните универзитети врз основа на што подоцна Град Скопје донесува одлуки и има правно дејство, вели Петрушевска.

Студентите велат дека и онака плаќаат за патни трошоци кон Скопје, укажуваат дека месечниот билет од Куманово е само над 5.000 денари. Дел од нив, велат дека потекнуваат од семејства со пониски примања, токму како и Трајковски и Петрушевска кои воедно се и стипендисти на двата факултети.

-Излегоа многу коментари, споредби од студентите, на една хоризонтална линија на која сите сме еднакви пред Уставот и една вертикална линија каде што сите сме во различни финансиски состојби. Јас како студент на приватен факултет доаѓам од работничка класа семејство во Куманово, сум стипендист на тој факултет немам лични примања, така што во старт можам да ги побијам тие споредби што се прават. Има богати семејства студенти кои се на државен и приватен факултет. Ние студентите не треба да се делиме во такви сфери туку да се обединиме, вели Трајковски.  

ИЗВОР: skopjeinfo.mk

VERO JUMBO MACEDONIA

EVN MACEDONIA

MARKETING

Претходно

Најдено решение за исплата на јануарската плата во Кабинетот на претседателот, со покачување од 5 проценти за административните службеници

Следно

СЕ НАДЕВАМ ДЕКА ОФФ-ФЕСТ ЌЕ СЕ ПРЕМИСЛИ И ЌЕ ЈА ИСКОРИСТИ ЖАЛБАТА КАКО ПРАВНА АЛАТКА, РЕЧЕ МИНИСТЕРКАТА ЗА КУЛТУРА ОТКАКО ФЕСТИВАЛОТ СЕ ОТКАЖА ПОРАДИ СКРАТЕНИ ПАРИ

Latest from Blog

Отстранети мини депонии на повеќе локации низ Битола

ЈКП „Комуналец“ – Битола, во соработка со „Нискоградба“ и ЈП „Стрежево“, изминативе денови започна акција за чистење на диво формирани мини депонии низ повеќе локации во општината. Според надлежните, депониите се резултат

За само 15 минути е распродадена турнејата на Аријана Гранде в о Британија, фановите се налутија

Продажбата започна денеска во 10:00 часот наутро, а веќе во 10:14 часот наутро не беше можно да се најде слободно место на Ticketmaster, и покрај редиците од стотици илјади луѓе, пишува LADbible.

Пронајдена е непроценливата нараквица на фараонот- ја продале во Египет за 4.000 долари и ја стопиле

Нараквицата, украсена со монистра од лапис лазули, му припаѓала на кралот Аменемопе од Третиот преоден период околу 1000 година п.н.е., објави Ројтерс. Нараквицата исчезнала на 9 септември од сеф во лабораторија, што
Go toTop