Студентите на УКИМ неделава ќе организираат собири за жртвите во пожарот, од Ректоратот имаат дозвола за прекин на наставата

March 17, 2025
1 min read

Студентите и професорите на Скопскиот универзитет денеска и во текот на целата недела ќе присуствуваат на организирани собири – Заеднички час, што точно напладне ќе се одржуваат на различни кампуси на УКИМ, за да изразат почит на жртвите во пожарот на концертот во Кочани и поддршка на нивните семејства. Првиот заеднички час е денеска од 12 часот на кампусот на факултетите од општествените науки.

Претседателот на Универзитетското студентско собрание на УКИМ Александар Николовски изјави дека Ректоратот на Скопскиот универзитет го прифатил нивното барање да им биде дозволено да отсуствуваат од настава и за тоа да немаат последици.

-Имавме вонреден состанок на кој присуствуваа наши делегати, претседатели на студентските собранија на факултетите на УКИМ и студенти кои се активни во нашата организација и се договоривме да побараме прекин на редовната настава од денеска до петок, со тоа што од денеска до петок ќе организираме заедничка настава во вид на собири, секој ден во 12 часот, на разни кампуси на Универзитетот. Насоката на Ректоратот е дека студентите нема да бидат обврзани да доаѓаат на настава односно ќе нема последици доколку не присуствуваат. Тоа Ректоратот на УКИМ го прати како насока на барањето што ние го пративме, рече Николовски за МИА.

УСС на УКИМ упати повик до сите студенти, целата академска заедница и граѓаните на државава да присуствуваат на собирите Заеднички час. УСС на своите профили на социјалните медиуми ќе известува за локациите на наредните собири.

Повик за присуство на денешниот собир во 12 часот на платото на УКИМ упати и студентската организација „Студентски отпор“.

ИЗВОР: racin.mk

MARKETING

MARKETING

Претходно

Нова трагедија во Кочани: Вчера цел ден пренесувал повредени, денес не се разбудил

Следно

Возел со 1.88 промили алкохол во крвта – полицијата уапси маж од скопско Стајковци

Latest from Blog

Тошковски: Нема да има милост за никого!

Министерот за внатрешни работи, Панче Тошковски вечерва изјави дека „осомничени досега се повеќе од 20-тина луѓе, согласно последните информации кои ги добив за најголем дел од нив веќе се извршени разговори со

ЗНМ до политичарите: Покажете емпатија, бидете транспарентни, почитувајте ги новинарите и избегнувајте политизирање трагедии

Здружението на новинарите на Македонија (ЗНМ) издаде важни упатства за политичарите како да комуницираат со медиумите и новинарите во време на трагични настани. Препораките имаат цел да промовираат одговорна и чувствителна комуникација

Уште 12 повредени од Македонија префрлени на лекување во Србија, тројца во Грција и двајца во Австрија

Уште 12 повредени во пожарот во Кочани вечерва со авион се префрлени на лекување во Белград. Четворица од нив ќе бидат хоспитализирани во Воено медицинската академија, а осум во Универзитетскиот клинички центар,

Симоновски во Аргумент плус: За настани со голем број на посетители потребно е да се извести и полицијата но и пожарната

Заменик командирот на противпожарната единица на Град Скопје, Владимир Симоновски во Аргумент плус рече дека несоодветните материјали од кои бил изграден кровот на дискотеката „Пулс“ во Кочани и тешкиот пристап на објектот
Go toTop