Досега НАТО нема забележено голема миграција на војници на платеничката група „Вагнер“ од Русија во Белорусија, но Столтенберг рече дека алијансата и понатаму внимателно ќе ги следи движењата на трупите на „Вагнер“ и Пригожин.
НАТО регистрира дека лидерот на „Вагнер“, Евгениј Пригожин, „малку се движел наоколу“, без да се даде дополнителни детали, но кога станува збор за платениците, не се забележува поголем број лица кои мигрирале од Русија кон Белорусија.
„Видовме одредени подготовки за прием на големи групи војници на ‘Вагнер’ во Белорусија“,
рече Столтенберг.
Белорускиот претседател Александар Лукашенко претходно денеска изјави дека Пригожин се вратил во Русија по краткиот егзил во Белорусија, додека неговите војници остануваат во кампови, додека, пак, од Кремљ пристигна соопштение во кое се вели дека Москва го нема ставено Пригожин на листата на луѓе чие движење е под мониторинг. На Пригожин и на неговите војници им беше понудено безбедно засолниште во Белорусија за да го прекинат пучот на неговата платеничка сила во јуни.
Извор: 360stepeni.mk
