Српски пратеник на седница за Косово гледал порно – откако го фатија, поднесе оставка

Претседателот на Извршниот одбор на СНС, Дарко Глишиќ, вели дека во време кога во парламентот на седница за Косово „му се нафрлиле на Вучиќ“, пратеникот на социјалистите, Звонко Стевиќ, си гледал порнофилм

Пратеник во српскиот парламент за време на седницата за Косово на која реферираше претседателот Александар Вучиќ, гледал порно, објави српските медиуми.

Повеќето од нив јавуваат дека станува збор за пратеник од Социјалистичката партија на Србија, Звонко Стевиќ.

Тој беше критикуван во јавноста откако на социјалната мрежа Твитер се појави видео како тој гледа видео за возрасни на својот мобилен телефон.

Телевизијата Н1, повикувајќи се на свои извори, објави и дека по ова Стевиќ си поднел оставка од пратеничката функцијата.

Видеоснимката како пратеникот гледа порно осамна додека во српската јавност се гласни критиките на сметка на социјалистите од нивните коалициски партнери од Српската напредна странка (СНС) на претседателот Вучиќ.

Претседателот на Извршниот одбор на СНС, Дарко Глишиќ, за ТВ Хепи изјави дека во време кога во парламентот „му се нафрлиле на Вучиќ“, пратеникот Звонко Стевиќ си гледал порнофилм.

За незадоволството на СНС од СПС вчера дел од медиумите пишуваа дека Вучиќ на состанок на раководството на неговата партија порачал дека е подготвен да оди на избори како кандидат за премиер, но нема да подлегне на уцените како од Западот така и од социјалистите и од лажните десничари.

„Новости“ дознава дека Вучиќ е подготвен да оди на избори во септември како кандидат за премиер