Средба Вучиќ-Орбан за геополитичката ситуација и плановите

March 25, 2023
1 min read

Српскиот претседател Александар Вучиќ во Белград се сретна со унгарскиот премиер Виктор Орбан и министерот за надворешни работи Петер Сијарто со кои разговараше за развојот на геополитичката ситуација, проценките, плановите, новите проекти и соработката, јави дописникот на МИА од Белград.

„Со Виктор Орбан и Петер Сијарто за развојот на геополитичката ситуација, проценките, плановите, новите проекти и соработката, за иднината“, напиша Вучиќ на Инстаграм будуќностсрбијеав, заедно со фотографии од средбата.

„Пријателствата се градат долго и внимателно, се зацврстуваат и јакнеат во тешки времиња, а вистинските се драгоцени токму затоа што се исклучително ретки, особено во политиката и особено во денешно време. Секогаш одговорни, сериозни, искрени, со почит и доверба“, истакна Вучиќ.

Унгарскиот премиер Виктор Орбан изјави дека унгарско-српските односи се на историски високо ниво.

-По Брисел, малку свеж воздух во Белград. Унгарско-српските односи се на историски високо ниво. Ви благодариме за средбата и пријателството, претседателе Вучиќ, напиша Орбан на својот Твитер со фотографии од партијата билијард што ја одигра со српскиот претседател.

Вучиќ изјави и дека со унгарскиот премиер три и пол часа разговарал за сите стратешки прашања на соработката.

-По три и пол часа разговор за сите стратешки прашања на соработката меѓу Унгарија и Србија, одиграв билијард со премиерот Орбан. Горд сум на пријателството меѓу Србите и Унгарците и благодарен на Виктор Орбан што вложи многу труд и енергија тоа пријателство да биде суштинско и искрено, напиша Вучиќ на својот Инстаграм профил.

ИЗВОР: kurir.mk

MARKETING

MARKETING

Претходно

Најмалку 23 загинати во торнадo и силна бура во Мисисипи

Следно

Германија и ЕУ постигнаа договор за користењето мотори со внатрешно согорување

Latest from Blog

Внатрешната контрола на МВР расчисти случај во Прилеп со пајак возило

По денешната објава на социјалните мрежи за наводно непрофесионално постапување од страна на полициски службеници во Прилеп во врска со констатиран сообраќаен прекршок, Одделот за внатрешна контрола, криминалистички истраги и професионални стандарди

„Марш за ангелите“ во Кочани: Родителите на 62-те жртви од ноќниот клуб „Пулс“ повторно чекорат против тишината на институциите

Речиси четири месеци по најсмртоносниот пожар во историјата на земјата, Кочани вечерва ќе ги пречека родителите и блиските на загинатите на дванаесеттото протестно движење, симболично наречено „Марш за ангелите“. Маршот, организиран од

Зголемена фреквенција на возила на ГП „Табановце“, за влез и излез од државата се чека околу 40 минути

Сообраќајот на државните патишта се одвива непречено, по суви коловози, а интензитетот на сообраќај на патните правци надвор од градските средини е зголемен. Поради зголемена фреквенција на возила на ГП Табановце времето
Go toTop