Средба во владата меѓу премиерот Мицкоски и лидерот на СДСМ Филипче. Изјава даде само Филипче кој вели дека со премиерот имале добар и конструктивен разговор и дека начелно договориле формирање на заеднички тела и комисии за работа на реформската агенда.
Во соопштението од владата се вели дека Мицкоски ја посочил потребата од мобилизација на сите напредни поединци и структури кои можат да дадат придонес на патот за развој на земјата и побарал од Филипче да биде конструктивен фактор во определбата за промени.
– Беше истакната потребата да се работи на заедничката иднина за граѓаните, како и да се работи на консензус меѓу различните страни за клучните прашања за државата и добробит на сите граѓани. Во тој контекст неопходно е да се мобилизираат сите напредни поединци и структури кои можат да дадат придонес на патот за развој на земјата. Македонските државни интереси треба да бидат појдовната точка во разговорите за секое прашање.
Извор: 24vesti.mk
