реклама
Кумановци пред осум години се разбудија од звукот на истрелите од вооружениот конфликт во Диво Насеље. Група од околу 40 лица се соочи со државните сили. Како резултат на тоа, животот го загубија 8 полицајци, а 37 други беа повредени, додека групата загуби 10 лица. Освен тоа, беа уништени и десетици куќи, бидејќи конфликтот се случуваше во урбана населба.
По тој повод, министерот за внатрешни работи, Оливер Спасовски заедно со делегацијата од МВР денеска во Куманово го откри спомен обележјето на 8-те полицајци загинати во мај 2015 година. Началникот на полицијата рече дека никој не може им ја ублажи болката на семејствата, овој споменик ќе покаже дека тие вечно живеат.
реклама
До денес останува мистерија која била целта и кој ја поттикнал оваа група за вооружен напад. Дури и поранешниот командант на ОВК, Али Ахмети, пред една година изјави дека се уште не му е јасна причина, и дека за овој случај побарал меѓународна истрага.
„Воопшто не сум знаел дека тие влегле во Македонија, не знаев каде се засолнети, кој ги засолни, кој ги насочуваше… и за мене ова останува енигма, бидејќи тие кои беа главни за оваа работа, тие двајца ги нема. Зборувам за Бег и Мирсад. Не знам колку знаат овие што се во затвор за да се открие вистината. Од самиот почеток побарав меѓународна истрага“, вели Али Ахмети
реклама
Инаку, епилогот од случајот „Диво Насеље“ заврши со вкупно 746 години затвор и 7 доживотни казни за кривично дело „тероризам“ и 4 лица беа ослободени од обвинението.
реклама
