Со солзи и со многу емоции се одржа денешната седница на Советот на Општина Кочани, во која требаше да се избере нов в.д. градоначалник на местото на Љупчо Папазов, кој е под истрага поради трагедијата во која загинаа 61 лице.
Советничката Кристина Атанасова – Арсова од редовите на ВМРО-ДПМНЕ се обрати и поднесе оставка од функцијата.
„Барам прошка, и им се извинувам на граѓаните кои дадоа глас за мене, не успеав да реализирам могу работи затоа што не беа приоритет за градоначалникот и раководството залетани од новите функции, се грижеа само за своите функции. Во оваа прилика сакам да ја доставам мојата оставка за советник до претседателот на Советот. Ова е страшно и недостојно, понижувачки за мене и за сите кои ме гласале. Во иднина ќе се посветам на моето дете кое е повредено и на сите повредени деца. Сите идеали на овој свет не вредат колку солзите на едно дете“, истакна советничката што предизвика напнатост на седницата и сите беа во солзи, по што советот направи пауза.
ИЗВОР: ТВ 21
