Македонија загуби со 2-0 на гостувањето кај Словенија, што за нашата репрезентација е десетти меч без победа во серија. Дополнително, 607 минути немаме постигнато гол. Тоа беше доволна причина да „зовријат“ социјалните мрежи, па може да се прочитаат стотици и илјадници коментари. Дел се и комични, дел навредливи, но доминираат оние кои повикуваат на оставки од селекторот Гоце Седлоски, но и од раководството на ФФМ.
Дел од навивачите повикуваат и на бојкот на следниот натпревар против Шкотска в сабота. Во продолжение може да прочитате само мал дел од коментарите на објавата на официјалниот Фејсбук профил на ФФМ – „Фудбалска Репрезентација на Македонија“.
Извор: sportmanija.mk
