ИГДИР (АА)
– Хусејин ЈИЛДИЗ
Солените пештери, кои отворени во Игдир 2022 година, се домаќини на просечно 1.000 посетители дневно.
Галериите во внатрешноста на Солената Планина во областа Тузлуџа формирани како резултат на ископувањата извршени од минатото до денес, во фази се трансформирани во Центар за солена терапија благодарение на активностите што ги спроведе гувернерството на Игдир.
Sидовите, таванот и подот на подземниот тераписки центар целосно се од сол. Овој центар почна да прима голем број посетители по уредувањето и осветлувањето на просторот.
Центарот кој ву кус период стана познат, секојдневно го посетуваат голем број лица од Туркије и од странство кои доаѓаат во регионот и во зимскиот период.
Благодарение на зголемената популарност, пештерите се домаќини по 1.000 посетители дневно во просек и станаа една од постојките за туристичките агенции кои спроведуваат тури на зимскиот туризам во регионот.
– „Турите се особено зголемени во последно време“
Менаџерот на Центарот за солена терапија, Тугрул Арас, за АА изјави дека не е намален бројот на посетители и покрај паузата поради училишното полугодие.
„Постои интензивен интерес од страна на посетителите последната недела. Зголемен е бројот на турите. Приближно 7.000 луѓе го посетија местото последната недела. Продолжува големиот интерес“, рече Арас.
Осврнувајќи се на бројот на посетители, Арас истакна: „Центарот просечно го посетуваат 1.000 луѓе дневно. Откако го отворивме Центарот, имаме приближно 350.000 посетители“.
Објаснувајќи дека десетици туристи доаѓаат да ги видат пештерите секој ден со минибуси и автобуси, Арас продолжи со зборовите:
„Туристичките рути генерално се однесуваат на Карс, Игдир Тузлуџа и палатата Догубајазит Исхакпаша. Има туристички агенции кои ја следат оваа рута, а има и агенции кои од неодамна почнаа да ги претпочитаат овие места. Посетителите кои доаѓаат прават обиколка на градот, придонесуваат за економијата преку шопинг и го промовираат градот, обезбедувајќи доаѓање на поголем број посетители.“
Извор: Anadolu Agency (AA)
