Собранието вечерва со три гласови „за“, 64 против и без воздржани, ја отфрли интерпелацијата за првиот вицепремиер и министер за животна средина и просторно планирање Изет Меџити што ја поднесе коалицијата „Европски фронт“.
Отфрлена беше и интерпелацијата за вицепремиерот Иван Стоиљковиќ со 7 гласа за и 52 против. Дискусијата и гласањето за Тошковски и за Исени треба да завршат најдоцна до полноќ.
Попладнево пак Собранието изгласа интерпелација за Илире Даути, претседателката на комисијата за социјална политика во законодавниот дом, покрената од пратеничката група на Левица, поради неставањето на дневен ред на законот за бранителите.
Пратениците од СДСМ не учествуваа ниту во расправата за Даути како и за останатите 4 интерпелации, поради како што извести Оливер Спасовски дека биле поднесени од сосема погрешни причини.
Извор: 24vesti.mk
