Конфедерацијата на синдикални организации на Македонија ја повика идната влада да го донесе Законот за работни односи со кој ќе се подобрат условите на работниците и во јавниот и во приватниот сектор. Во спротивно, според нив, младите и интелектуалците ќе ги напуштат своите работни места, а државата ќе остане без работници.
Меџит Идризи, вработен во Јавното сообраќајно претпријатие Скопје, воедно и секретар на синдикалната организација, вели дека во фирмата каде што работи, работниците си заминуваат поради ниските плати.
„Работниците ни бегаат од фирмата, имаме возачи кои заминаа. За 3-4 дена четворица отидоа во Германија, си заминуваат поради плати. Можеме да ги спречиме работниците да ја напуштат нашата земја“, рече Меџит Идризи, секретар на синдикалната организација во Јавното сообраќајно претпријатие.
Во меѓувреме, С Македонија продолжува да се соочува со недостиг на работници, особено во професионалните области поради нивното заминување во западните земји, каде условите и платите се далеку подобри. Нема официјални бројки, но се зборува за десетици илјади разни кадри. Според пописот на населението во 2021 година, С Македонија има над 260.000 нерезиденти. Населението 2002 до 2021 година е намалено за 185.000 жители.
Суад Бајрами
Извор: alsat.mk
