Со митингот, под слоганот:„Македонија повторно горда!“, и официјално започна кампањата на кандидатката за претседател на Македонија од ВМРО-ДПМНЕ, Гордана Силјановска Давкова.
Давкова порача дека ќе ги претставува сите без никаква поделба. Вети дека ако стане претседател на државата повторно ќе ја отвори Народната канцеларија на претседателот, која беше отворена од поранешниот претседател Ѓорѓе Иванов.
Рече дека нема да оди надвор од земјата и да преговара без да оствари консензус за клучните прашања за државата. Претседателот на партијата, Христијан Мицковски порада дека имаат цел државата да ја вратат во рацете на народот и да ја одземат можта на функционерите на ДУИ.
Во пресрет на митингот се одржа отворено студио за претставување на кандидатите за пратеници на ВМРО-ДПМНЕ и коалицијата Твоја Македонија.
Извор: 24vesti.mk
